ಬಾಳೆಯ ನೆರಳು

ನಾನು high schoolನಲ್ಲಿ ಓದುತ್ತಿದ್ದ ಸಮಯದಲ್ಲಿ ನನಗೆ ಶಾಲೆಯ syllabus ಆಚೆಯ ಕವನ-ಕಾದಂಬರಿಗಳನ್ನು ಓದಲು ಶುರುಮಾಡಬೇಕೆಂಬ ಇಚ್ಚೆ ಶುರುವಾಗಿತ್ತು. ನನ್ನ ತಾಯಿಯು ಕನ್ನಡದವರಲ್ಲದಿದರೂ, ಕನ್ನಡದಲ್ಲಿನ ಕಾದಂಬರಿಗಳನ್ನು ಓದುತ್ತಿದ್ದರು. ಮೊದಲಿನಿಂದಲೂ ನನ್ನ ತಾಯಿಯು ಮಾಡಿದ್ದೇ ಸರಿಯೆಂಬ ನಂಬಿಕೆ ನನ್ನದು. ನಾನು ಒಟ್ಟಾರೆ ಇಲ್ಲಿನವರೆಗೆ ಸುಮಾರು ೧೦ ಕನ್ನಡದ ಕಾದಂಬರಿಗಳನ್ನು ಓದಿದ್ದರೆ ಹೆಚ್ಚು. ಇದರಿಂದಾಗಿ ಇತ್ತಿಚೆಗೆ online ಮೂಲಕ ಬಹಳ ಮನಮೆಚ್ಚಿದ ಕವನ-ಕಾದಂಬರಿಗಳನ್ನೂ ಖರೀದಿಸುತ್ತಿದ್ದೇವೆ. ಮುಂಚೆ ಓದದಿದ್ದರೇನಾಯಿತು, ಈಗಿಂದ ಶುರುಮಾಡೋಣವೆಂಬ ಬಯಕೆ.

ನಾನು ಓದಿದ ಮೊದಲನೆಯ ಕಾದಂಬರಿ ನನ್ನನ್ನು feminism, individualism ಎತ್ತ ನೇರವಾಗಿ ತಿರುಗಿಸಿತು. ಆ ಕಾದಂಬರಿಯೇ “ಬಾಳೆಯ ನೆರಳು”. ಈ ಕಾದಂಬರಿಯಲ್ಲಿ ವಾಣಿಯವರು ಸಾಮಾಜಿಕ ವ್ಯವಸ್ತೆಯ ಬಗ್ಗೆ ಬಹಳ ನೇರವಾಗಿಯೇ ಬರೆದಿದ್ದಾರೆ.

ವಸಂತಳ ವಿವಾಹಿತ ಬದುಕನ್ನೂ, ಮದುವೆಯಾದ ಕೆಲವು ದಿನಗಳಲ್ಲೇ ಗಂಡನು ಪರಾರಿಯಾದ ಸಂಕಟವನ್ನೂ, ಅವನಿಂದ ಪಡೆದ ಮಗುವು, ಮುಂಬೈಯಲ್ಲಿನ ಅಣ್ಣನ ಮನೆಯಲ್ಲಿದ್ದರೂ ಪರರ ಮನೆಯಲ್ಲಿ ಇದ್ದಹಾಗಿನ ವಸಂತಳ ಅನುಭವಗಳು.
ಈ ಕಾಬಂಬರಿಯಲ್ಲಿ ಮುಖ್ಯ ಪಾತ್ರವಾದ ವಸಂತಳ ಬದುಕಿನಲ್ಲಿ ನಡೆದ ಘಟನೆಗಳೆಲ್ಲವೂ ನನ್ನ ಹದಿಹರೆಯದ ಮನಸ್ಸಿಗೆ ಬಹಳ ಗಟ್ಟಿಯಾಗಿಯೇ ತಾಕಿತು.

ತಮ್ಮ ತಮ್ಮ ಜೀವನವನ್ನು ತಾವೇ ರೂಪಿಸಿಕೊಳ್ಳದಿದ್ದರೆ, ಬೇರೆಯವರ ಸಲಹೆಗಳು (ಕೆಲವೊಮ್ಮೆ ತಂದೆ-ತಾಯೆಂದಿರ ಸಲಹೆಗಳೂ ಇರಬಹುದು) ಹೇಗೆ ಬಾಳೆಯ ನೆರಳಿನಂತೆ ಎಂದು ಬಹಳ ಸೂಕ್ಷ್ಮವಾಗಿ ವಾಣಿಯವರು ತಮ್ಮ ಕಾದಂಬರಿಯಲ್ಲಿ ಬರೆದಿದ್ದಾರೆ..